Фаъолияти ширкати мусофиркашонии «Яндекс такси» дар Ҷумҳурии Тоҷикистон ғайрирасмист!
Чандест, дар сомонаҳои интернетӣ дар бораи ба фаъолият оғоз намудани ширкати мусофиркашонии «Яндекс такси» дар ҳудуди Ҷумҳурии Тоҷикистон хабару эълонҳое нашр гардида, ронандагонро барои ҳамкорӣ даъват намуда истодааст. Як қатор ронандагон ба хабарҳои бардуруғи нашргардида бовар намуда, бо ин ширкат шартнома баста, фаъолияти мусофиркашонии ғайриқонуниро низ оғоз намудаанд.
Вобаста ба ин, Раёсати ВКД дар шаҳри Душанбе ба иттилои шаҳрвандон мерасонад, ки ширкати мазкур дар ҳудуди Ҷумҳурии Тоҷикистон расман ба қайд гирифта нашудааст ва фаъолияти он тибқи талаботи қонунгузорӣ ғайриқонунӣ ба шумор меравад. Ҳамзамон истифодабарӣ аз хизматрасонии он метавонад барои шаҳрвандон бехатар набуда, боиси ба миён омадани нофаҳмиҳо ва бенизомӣ дар фаъолияти мусофиркашонӣ мегардад.
Бо мақсади муайян намудани ронандагоне, ки бо ин ширкат ҳамкории ғайриқонуниро оғоз намудаанд, аз ҷониби кормандони Раёсати ВКД дар шаҳри Душанбе чорабинии мақсаднок гузаронида шуда, як қатор ронандагон муайян карда шуданд. Чуноне аз натиҷаи баргузории амалиёти мазкур бармеояд, баъзе аз ронандагон бар замми он ки бо дигар ширкатҳои мусофиркашонӣ шартнома дошта, иҷозатномаи кору фаъолият доранд, боз дидаву дониста тариқи электронӣ бо ин ширкати ғайрирасмӣ ҳамкорӣ барқарор намуда, ба фаъолияти мусофирбарӣ оғоз кардаанд, ки бо ин амали худ талаботи моддаи 511 Кодекси ҳуқуқвайронкунии маъмурии Ҷумҳурии Тоҷикистонро дағалона вайрон кардаанд.
Ҳангоми баргузории амалиёти мазкур ронангони зерин муайян ва ҷиҳати чораҷӯӣ ба Раёсати ВКД дар шаҳри Душанбе дастрас карда шудаанд:
Бобоҷонов Неъматулло Носирҷонович, санаи таваллудаш 20.06.1997, истиқоматкунандаи шаҳри Душанбе кӯчаи Восеъ-ронандаи автомашинаи тамғаи “КИА” рақамҳои қайди давлатиаш 1997NP01;
Юлдошев Наимҷон Яъқубович, санаи таваллудаш 08.01.1983, истиқоматкунандаи шаҳри Душанбе кӯчаи Н.Қарабоев-ронандаи автомашинаи тамғаи “Тайота Кемрӣ”, рақамҳои қайди давлатиаш 0014RR01;
Исматов Абдунабӣ Ҳабибуллоевич, соли таваллудаш 02.10.1985, истиқоматкунандаи шаҳри Душанбе, кӯчаи Нахимова-ронандаи автомашинаи тамғаи “Ниссан”, рақамҳои қайди давлатиаш 3492МВ01;
Раҳмонов Абдуқайюм Дустмуродович, санаи таваллудаш 7.08.1987, истиқоматкунандаи ноҳияи Рӯдакӣ-ронандаи автомашинаи тамғаи “Волсваген”, рақамҳои қайди давлатиаш 0119ТТ01;
Назриев Раҳматхуҷа Шарифбекович, санаи таваллудаш 10.12.1986, истиқоматкунандаи шаҳри Душанбе, кӯчаи Маяковский-ронандаи автомашинаи тамғаи “Хундай”, рақамҳои қайди давлатиаш 9810ТТ05;
Шербадалов Шароф Шарифович, санаи таваллудаш 06.10.1977, истиқоматкунандаи шаҳри Душанбе, кӯчаи Телман-ронандаи автомашинаи тамғаи “Волсваген”, рақамҳои қайди давлатиаш 4022РТ01;
Муминов Ҳасан Абдуғаффорович, санаи таваллудаш 15.12.1980, истиқоматкунандаи шаҳри Душанбе, кӯчаи Ҷавонон-ронандаи автомашинаи тамғаи “Тайота”, рақамҳои қайди давлатиаш 1885ТТ09;
Фазлиддини Зиёратшоҳ, санаи таваллудаш 8.12.1992, истиқоматкунандаи шаҳри Душанбе, кӯчаи С.Айнӣ-ронандаи автомашинаи тамғаи “Хундай”, рақамҳои қайди давлатиаш 8738ТТ09;
Баротов Сайфулло Азизович, санаи таваллудаш 22.08.1990, истиқоматкунандаи шаҳри Душанбе, кӯчаи Маяковский-ронандаи автомашинаи тамғаи “Хундай”, рақамҳои қайди давлатиаш 2887ТТ08;
Соатов Шодмон Қаҳҳорович, санаи таваллудаш 12.09.1993, истиқоматкунандаи шаҳри Ҳисор деҳаи Ғурриёт-ронандаи автомашинаи тамғаи “Хундай”, рақамҳои қайди давлатиаш 4639ТТ05,
Бегназаров Аюбҷон Исмоилович, санаи таваллудаш 20.11.1996, истиқоматкунандаи шаҳри Ҳисор, шаҳраки Шарора-ронандаи автомашинаи тамғаи “Хундайа”, рақамҳои қайди давлатиаш 2279ТТ07;
Ҷӯраев Насим Сафарович, санаи таваллудаш 18.01.1991, истиқоматкунандаи шаҳри Душанбе, кӯчаи Н.Қарабоев-ронандаи автомашинаи тамғаи “КИА”, рақамҳои қайди давлатиаш 3456ТТ09;
Юсупов Равшан Аҳмадҷонович, санаи таваллудаш 21.04.1990, истиқоматкунандаи шаҳри Душанбе, кӯчаи Рӯҳафзо-ронандаи автомашинаи тамғаи “Хундай”, рақамҳои қайди давлатиаш 8714ТТ05;
Амирхудоев Абунаср Шакархудоевич, санаи таваллудаш 31.07.1988, истиқоматкунандаи шаҳри Душанбе, кӯчаи Б.Ғафуров-ронандаи автомашинаи тамғаи “Хундай”-рақамҳои қайди давлатиаш 7887ТТ09.
Нисбати ронандагони мазкур, ки дар ҷараёни амалиёт ба мақомоти милитсия дастрас гардидаанд, тибқи талаботи моддаҳои 510 ва 511 Кодекси ҳуқуқвайронкунии маъмурии Ҷумҳурии Тоҷикистон протоколҳои маъмурӣ тартиб дода шуда, барои чораҷӯӣ ба Суд ирсол карда мешавад.
Вобаста ба ин, аз кулли ронандагон хоҳиш карда мешавад, ки ба чунин хабару эълонҳои бардуруғ бовар накарда, фаъолияти мусофирбариро дар доираи муқаррароти қонунгузорӣ ба роҳ монанд.
