Қаллоб автомашинаҳоро азонихуд намуд
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 47-солаи сокини ноҳияи Восеъ, ки пеш бо моддаи 247 қисми 4 Кодекси ҷиноятии Ҷумҳурии Тоҷикистон суд шудааст, бо гумони қаллобӣ дастгир карда шуд.
Номбурда, моҳи феврали соли 2018 бо роҳи фиреб ба боварии марди 31-солаи сокини шаҳри Душанбе даромада, аз ӯ 1-адад автомашинаи тамғаи “Мерседес-Бенс”-ро ба маблағи 40000-сомонӣ харидорӣ намуда, то ҳол маблағашро барнагардонидааст.
Дар ҷараёни тафтиш инчунин муайян карда шуд, ки номбурда моҳи марти соли 2018 бо роҳи фиреб ба боварии марди 31-солаи сокини пойтахт даромада, аз ӯ 1-адад автомашинаи тамғаи “Мерседес-Бенс”-ро ба маблағи 38000-сомонӣ харидорӣ намуда, то ҳол маблағашро барнагардонидааст.
Аз рӯи ин ҳодисаҳо тафтишот идома дорад.
