Нархгузорӣ намуда гирифтани автомашина ва напардохтани маблағи он
Зимни доир намудани чорабиниҳои оперативӣ-ҷустуҷӯӣ кормандони милитсия марди 29-солаи зодаи ноҳияи Кӯшониён, сокини шаҳри Душанберо бо гумони қаллобӣ дастгир намуданд.
Номбурда, рӯзи 22-юми ноябри соли 2017 бо маслиҳати пешакӣ бо марди 28-солаи сокини ноҳияи Кӯшониён, бо роҳи фиреб ба боварии марди 34-солаи сокини кӯчаи С.Шерозии шаҳри Душанбе даромада, аз ӯ автомашинаи тамғаи “БМВ-525”-ро ба маблағи 281 ҳазору 600-сомонӣ нархгузорӣ карда гирифта, 88 000-сомониашро пардохт намуда, ваъда додаанд, ки боқимонда маблағашро оварда медиҳанд.
Баъдан, автомашинаи мазкурро ба марди 33-солаи сокини шаҳри Ҳисор, ба маблағи 149 ҳазору 600-сомонӣ фурӯхта, маблағи гирифтаашонро ба манфиати шахсияшон сарф намудаанд.
Нисбати номбурда, аз тарафи Прокуратураи ш.Душанбе парвандаи ҷиноятӣ бо моддаи 247 Кодекси ҷиноятии Ҷумҳурии Тоҷикистон оғоз гардида, тафтишот идома дорад.