Фарзандонро эҳтиёт кунед!
14-уми август аз дохили “Кӯли ҷавонон” (Комсомольский озер) ҷисми беҷони навраси тахминан 15-16 сола ёфта шуд. Зимни санҷиши пешакӣ муайян гардид, ки номбурда ҳангоми оббозӣ дар кӯл ғарқ шуда, ба ҳалокат расидааст.
Вобаста ба ин, бори дигар аз кулли волидайн ва он нафароне, ки кӯдакону наврасон зери тарбияи онҳо қарор доранд, хоҳиш карда мешавад, ки фарзандонро зери назорати қатъӣ қарор диҳанд. Нагузоранд, то ин ки наврасон дар ҳавои гарм, бе ҳузури волидайн дар маконҳои хатарнок ба оббозӣ машғул шаванд.
Раёсати ВКД дар ш.Душанбе
