Боздиди намояндагони политсияи шаҳри Нанкин аз кохи Наврӯз
Дар доираи сафари расмии корӣ намояндагони Департаменти бехатарии ҷамъиятии шаҳри Нанкини Ҷумҳурии халқии Чин ба Кохи Наврӯз ташриф оварда, аз шоҳкориҳои меъморону ҳунармандони миллати тоҷик шиносоӣ пайдо намуданд.
Нақшу нигорҳои кандакоришуда дар чӯб, ки бо як маҳорати махсуси устоҳои чирадасти тоҷик сохта шудаанд, ҳайати меҳмононро ба ҳайрат гузошта, ба чунин шоҳкорӣ изҳори таҳсин намуданд.
Зимни боздид аз Кохи Наврӯз диққати ҳайати меҳмононро утоқи махсусе, ки баҳри пешравиҳои беназир дар ҳамкорӣ байни давлатҳои аъзои Созмони ҳамкориҳои Шанхай бахшида шуда, дар девори он парчамҳои давлатҳои аъзоёни он ҳаккокӣ шудааст, ба худ ҷалб намуд.
