Ошкор шудани ҳолати қаллобӣ
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 28-солаи сокини шаҳри Душанбе бо гумони қаллобӣ дастгир карда шуд.
Номбурда, соли 2020 бо роҳи фиреб ба боварии зани 34-солаи сокини ноҳияи Восеъ даромада, аз ӯ 225 ҳазор сомонӣ гирифта, ваъда додааст, ки бар ивазаш аз шаҳри Душанбе манзили истиқоматии 2-ҳуҷрагӣ гирифта медиҳад, аммо ӯро фиреб дода, маблағҳои ба даст овардаашро ба манфиати шахсиаш сарф намудааст. Нисбати гумонбаршавнда парвандаи ҷиноятӣ бо моддаи 247 қисми 3 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.