Боздошти ноболиғон бо ҷурми расонидани зиён ба амвол дар ҷойҳои ҷамъиятӣ
Ба мақомоти корҳои дохилӣ мактуби Корхонаи Воҳиди “Қитъаи таъмини барқ” ворид гардид, ки санаи 29-уми августи соли 2018, шахсони номаълум ҳангоми дар пули “Наврӯзгоҳ”-и пойтахт қарор доштанашон 23-адад прожекторҳои равшанидиҳанда ва 2-адад чароғакҳоро шикаста, аз ҷойи ҳодиса ғайб задаанд, ки бо ин кирдорашон ба корхонаи мазкур ҷамъ ба маблағи 20 ҳазору 750-сомонӣ зарари моддӣ расонидаанд.
Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия 10 нафар ноболиғони аз 11 то 15-солаи сокинони шаҳри Душанбе ва Ваҳдат бо гумони расонидани зиён ба амвол дар ҷойҳои ҷамъиятӣ (вандализм) дастгир карда шуда, аз рӯи ин ҳодиса тафтишот идома дорад.