Қарори Ҳукумати Ҷумҳурии Тоҷикистон
Ҳукумати Ҷумҳурии Тоҷикистон
ҚАРОР
Дар бораи Барномаи ислоҳоти (рушди) милитсия барои солҳои 2014-2020
Мутобиқи моддаи 7 қонуни Ҷумҳурии Тоҷикистон “Дар бораи дурнамоҳои давлатӣ, консепсияҳо, стратегияҳо ва барномаҳои инкишофи иҷтимоию иқтисодии Ҷумҳурии Тоҷикистон” ва бо мақсади иҷрои банди 2 Фармони Президенти Ҷумҳурии Тоҷикистон “Дар бораи Стратегияи ислоҳоти милитсия барои солҳои 2013-2020”, Ҳукумати Ҷумҳурии Тоҷикистон қарор мекунад:
1. Барномаи ислоҳоти (рушди) милитсия барои солҳои 2014-2020 тасдиқ карда шавад (замима мегардад).
2. Вазорату идораҳои дахлдор, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо, дигар ташкилоту муассисаҳо иҷрои Барномаи мазкурро таъмин намоянд.
3. Вазорати корҳои дохилии Ҷумҳурии Тоҷикистон оид ба иҷрои Барномаи мазкур ҳар сол ба ҳукумати Ҷумҳурии Тоҷикистон ҳисобот пешниҳод намояд.
Раиси Ҳукумати Ҷумҳурии Тоҷикистон
Эмомалӣ Раҳмон
аз 3 майи соли 2014 № 296
ш. Душанбе
