Вайрон намудани тартиботи ҷамъиятӣ аз ҷониби хонандагони муассисаи таълимӣ
Дар асоси навори дар шабакаҳои иҷтимоӣ нашр гардида, аз ҷониби кормандони мақомоти милитсия, барои вайрон намудани тартиботи ҷамъиятӣ 7-нафар хонандагони Муассисаи таҳсилоти миёнаи умумии №91 шаҳри Душанбе боздошт карда шуданд.
Номбурдагон санаи 2-юми апрели соли ҷорӣ, тахминан соати 12:30 дақиқа, дар кӯчаи Гипрозем, дар назди МТМУ №91 ноҳияи Сино бо ҳамдигар муноқиша намуда, тартиботи ҷамъиятиро дағалона вайрон кардаанд.
Вобаста ба ҳолати мазкур нисбати волидайни 7-нафар ноболиғ тибқи талаботи моддаи 90 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода шуда, барои чораҷӯӣ ба Суд ирсол карда шуд.
Раёсати ВКД дар шаҳри Душанбе