Се ҳолати қаллобӣ аз ҷониби як нафар
Бо ариза ба мақомоти корҳои дохилӣ дар ноҳияи И.Сомонӣ марди 35-солаи сокини кӯчаи Бохтари шаҳри Душанбе муроҷиат намудааст, ки рӯзи 7-уми марти соли 2019 дар кӯчаи Теҳрон марди 35-солаи сокини пойтахт бо роҳи фиреб ба бовариаш даромада, аз ӯ 4000 доллари амрикоӣ гирифта, то ҳол маблағашро барнагардонидааст.
Ҳамчунин дар рафти тафтишот муайян карда шуд, ки номбурда моҳи феврали соли 2019 бо роҳи фиреб ба боварии зани 29-солаи сокини кӯчаи Қазоқон даромада, аз ӯ 47000 доллари амрикоӣ гирифта, то ҳол маблағашро барнагардонидааст.
Ҳамин тариқ, номбурда моҳи июни соли 2019 бо роҳи фиреб ба боварии зани 45-солаи сокини кӯчаи Б.Ғафурови пойтахт даромада, аз ӯ 26000 доллари амрикоӣ гирифта, 21 000 долларашро баргардонида, боқимонда 5000 долларро ба манфиати шахсиаш сарф намудааст.
Аз рӯи ин ҳодисаҳо тафтишот идома дорад.
