Дуздии ҷавоҳироти тиллоӣ аз ҷониби зани қаблан судшуда
Ба ШВКД-2 дар ноҳияи Сино зани 24-солаи сокини кӯчаи Испечак муроҷиат намудааст, ки моҳи декабри соли 2017 шахсони номаълум бо роҳи пинҳонӣ ба хонаи истиқоматиаш даромада, аз дохили ҷевон ҷавоҳироти гуногуни тиллоӣ, ки арзишашон 8000 сомониро ташкил медиҳад, дуздида аз ҷойи ҳодиса ғайб задаанд.
Бо доир намудани чорабиниҳои оперативӣ-ҷустуҷӯӣ кормандони милитсия зани 21-солаи сокини кӯчаи Испечакро, ки пеш бо моддаи 244 қисми 3 Кодекси ҷиноятии Ҷумҳурии Тоҷикистон суд шудааст, бо ҷурми дуздӣ дастгир намуданд.
Аз рӯи ин ҳодиса тафтишот идома дорад.
