Боздошти марди 32-сола барои ташкил додани фоҳишахона
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 32-солаи сокини ноҳияи И.Сомонӣ бо гумони ташкил ё нигаҳдошти фоҳишахона дастгир карда шуд.
Номбурда, рӯзи 25-уми июли соли 2019, тахминан соати 18:00, хонаи ба иҷора гирифтааш, воқеъ дар хиёбони Рӯдакиро ба фоҳишахона табдил дода, барои алоқаи ҷинсӣ намудан ба зани 33-солаи сокини шаҳри Ҳисор ва марди 30-солаи сокини шаҳри Душанбе шароит муҳайё намуда, аз онҳо 200 сомонӣ мукофотпулӣ гирифтааст.
Аз рӯи ин ҳодиса тафтишот идома дорад.