Ошкор шудани ҳолатҳои қаллобӣ ва мардумфиребӣ
Ба ШВКД дар ноҳияи И.Сомонӣ марди 48-солаи сокини шаҳри Душанбе муроҷиат намудааст, ки моҳи октябри соли 2013 дар хиёбони Рӯдакӣ зани 65-солаи сокини пойтахт бо роҳи фиреб ба бовариаш даромада, аз ӯ барои тиҷорат 100 000 доллари амрикоӣ гирифта, то ҳол маблағашро барнагардонидааст.
Аз рӯи ин ҳодиса тафтишот идома дорад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 47-солаи сокини кӯчаи Фирдавсии пойтахт бо гумони қаллобӣ дастгир карда шуд.
Номбурда, моҳи марти соли 2014 бо роҳи фиреб ба боварии марди 27-солаи сокини маҳаллаи Ховарон даромада, аз ӯ барои тиҷорат 20 000 сомонӣ гирифта, то ҳол маблағашро барнагардонидааст.
Ҳамчунин зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 39-солаи сокини ноҳияи Фирдавсии пойтахт бо гумони қаллобӣ дастгир карда шуд.
Номбурда, моҳи октябри соли 2017 бо роҳи фиреб ба боварии марди 38-солаи сокини шаҳри Душанбе даромада, аз ӯ барои тиҷорат 980 000 сомонӣ гирифта, то ҳол маблағашро барнагардонидааст.
Аз рӯи ҳолатҳои қаллобии мазкур парвандаҳои ҷиноятӣ оғоз гардида, тафтишот идома дорад.