Тақаллубкорӣ ба хотири даромади муфт
Ҳангоми доир намудани чорабиниҳои оперативӣ-ҷустуҷуӣ кормандони ШВКД-1 дар ноҳияи Синои шаҳри Душанбе, марди 56-солаи сокини ноҳияи А.Ҷомиро бо гумони қаллобӣ дастгир намуданд.
Тафтишот муайян намуд, ки номбурда, дар давоми солҳои 2014-2015 бо роҳи фиреб ба боварии марди 44-солаи сокини ноҳияи Б.Ғафуров даромада, аз ӯ барои фурӯш ба маблағи 168 ҳазору 770-сомонӣ маҳсулоти ордро гирифта фурӯхта, маблағи ба даст овардаро ба манфиати шахсиаш сарф намудааст.
Айни замон нафари қаллоб дар ҳабси пешакӣ қарор дошта, корҳои тафтишотӣ давом дорад.
