Бо роҳи зӯроварӣ тасарруф намудани телефони мобилӣ
Ба ШВКД-2 дар ноҳияи Фирдавсӣ зани 19-солаи сокини кӯчаи Н.Қарабоеви пойтахт муроҷиат намудааст, ки санаи 6-уми апрели соли 2018, ҳангоми дар кӯчаи Н.Қарабоев қарор доштанаш, шахси номаълум бо роҳи зӯроварӣ аз дасташ 1-адад телефони мобилии тамғаи “Самсунг Ҷ-5”, ки арзишаш 1100-сомониро ташкил медиҳад, тасарруф намуда, аз ҷойи ҳодиса ғайб задааст.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 39-солаи сокини кӯчаи Деҳотӣ, ки пеш бо моддаи 248 Кодекси ҷиноятии Ҷумҳурии Тоҷикистон суд шудааст, бо гумони ғоратгарӣ дастгир карда шуд.
Ин ҳодиса мавриди тафтиш қарор дорад.