Бо роҳи фиреб азхуд намудани воситаҳои нақлиёт
Ба мақомоти корҳои дохилӣ бо ариза марди 32-солаи сокини кӯчаи Рӯдакии шаҳри Душанбе дар он хусус муроҷиат намудааст, ки моҳи июни соли 2017 дар кӯчаи Ҷ.Расулови пойтахт марди 32-солаи сокини шаҳри Душанбе бо роҳи фиреб ба бовариаш даромада, аз ӯ автомашинаи тамғаи “Мазда”-ро ба маблағи 5000-доллари амрикоӣ нархгузорӣ карда гирифта, то ҳол маблағашро барнагардонидааст.
Номбурда, ҳамин тариқ моҳи майи соли 2017 ба боварии марди 32-солаи сокини шаҳри Душанбе даромада, аз ӯ автомашинаи тамғаи “БМВ Х-5”-ро ба маблағи 13000-доллари амрикоӣ нархгузорӣ карда гирифта, то ҳол маблағашро барнагардонидааст.
Марди гумонбар дар содир намудани ҷиноятҳои қаллобӣ аз ҷониби кормандони милитсия дастгир гардида, тафтишот дар ин самт идома дорад.
