Дуздии 7050-сомонӣ аз дохили автомашина
Ба ШВКД-1 дар ноҳияи Сино марди 36-солаи сокини ноҳияи Данғара муроҷиат намудааст, ки санаи 6-уми марти соли 2018, тахминан соати 13:30-дақиқа, шахси номаълум бо роҳи пинҳонӣ аз дохили автомашинаи шахсиаш тамғаи “Опел”, ки дар кӯчаи Р.Набиев беназорат меистод, 7050-сомониро дуздида, аз ҷойи ҳодиса ғайб задааст.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғ, писарбачаи 16-солаи сокини шаҳри Бохтар (Қӯрғонтеппа) бо гумони содир намудани ҷинояти мазкур дастгир карда шуд.
Аз рӯи ин ҳодиса парвандаи ҷиноятӣ оғоз гардида, тафтишот идома дорад.
