Конфронси илмӣ бахшида ба 600-солагии Мавлоно Абдураҳмони Ҷомӣ
Субҳи имрӯз дар толори маҷлисгоҳи РВКД дар ш. Душанбе бахшида ба 600-солагии Мавлоно Нуриддин Абдураҳмони Ҷомӣ конфронси илмӣ баргузор гардид. Конфронси мазкурро муовини сардори Шӯъбаи кадрҳо ва кор бо ҳайати шахсии Раёсат ҳусни оғоз бахшида, оид ба зиндагиномаи Мавлоно Абдураҳмони Ҷомӣ маърӯзаи пурмӯҳтавоеро пешкаши ҳозирин гардонид. Аз ҷумла доктори илми филология, узви вобастаи Академияи илмҳои Тоҷикистон, муовини Саркотиби Академияи илмҳои Тоҷикистон устод Мирзо Муллоаҳмадов низ дар ин конфронс ширкат варзида, оид ба андешаҳои инсондустонаи Мавлоно Абдураҳмони Ҷомӣ ибрози аќида намуд.