ДАР ХАТАР МОНОНДАНИ КӮДАКИ 1-РӮЗА
Санаи 11-уми августи соли 2014, ҳангоми гузаронидани чораҳои фаврӣ-ҷустуҷӯйӣ муайян карда шуд, ки шаҳрванд Қурбонова Ганҷина Файзалиевна, соли таваллудаш 1996, истиқоматкунандаи шаҳри Душанбе, кӯчаи Саҳбо, хонаи №416, дар таърихи 19-уми июли соли ҷорӣ дар хонаи истиқоматиаш таваллуд мекунад ва худи ҳамон рӯз модараш Бобоҷонова Зебо Қурбоновна, соли таваллудаш 1972, истиқоматкунандаи шаҳри Душанбе, кӯчаи Саҳбо, хонаи №416, ва апааш Қурбонова Мавзуна Файзалиевна, соли таваллудаш 1993, истиоматкунандаи шаҳри Душанбе, кӯчаи Саҳбо, хонаи №416, тифли навзодро ба таваллудхонаи №2-и шаҳри Душанбе бурда, мегӯянд, ки гўё ўро аз роҳрави назди Маркази савдои «Садбарг»-и шаҳри Душанбе, дарёфт кардаанд, аммо номбурдагон бо ин амали хеш кӯдаки навзоди якрӯзаро, ки ба шири модар сахт ниёз дошт, дар хатар гузоштаанд. Нисбати номбурдагон корҳои тафтишотӣ идома дорад.
