Муроҷиати шаҳрвандон оид ба тақаллубкорӣ
Ба ШВКД-1 дар ноҳияи Фирдавсии шаҳри Душанбе, марди 52-солаи сокини кӯчаи Маяковскии пойтахт, бо ариза дар он хусус муроҷиат намудааст, ки моҳи майи соли 2017, ҳангоми дар назди бинои 15/1-и кӯчаи зикргардида қарор доштанаш, марди 32-солаи сокини кӯчаи Т.Шарқии шаҳри Душанбе, бо роҳи фиреб ба бовариаш даромада, аз ӯ 22.000-доллари амрикоиро гирифта, то ҳол маблағашро барнагардонидааст.
Ҳамчунин, ба ШВКД-2 дар ноҳияи Синои пойтахт, марди 67-солаи сокини ноҳияи Шаҳринав бо ариза дар он хусус муроҷиат намудааст, ки моҳи июли соли 2016, ҳангоми дар кӯчаи Қазоқони шаҳри Душанбе қарор доштанаш, марди 29-солаи сокини пойтахт, бо роҳи фиреб ба бовариаш даромада, худро корманди Муассисаи давлатии рушди соҳибкорӣ дар соҳаи кишоварзӣ муаррифӣ намуда, аз ӯ 30.000-сомонӣ гирифта, ваъда додааст, ки аз ҳудуди шаҳри Турсунзода ё Ҳисор 50-га замини кишоварзӣ ҷудо намуда медиҳад. Аммо ӯро фиреб намуда, то ҳол маблағашро барнагардонидааст.
Тафтишот муайян намуд, худи ӯ бо ҳамин тарз ба боварии зани 44-солаи сокини кӯчаи Н.Ҳувайдуллоеви пойтахт даромада, аз ӯ 30.000-сомонӣ гирифта, ваъда додааст, ки аз ҳудуди шаҳри Турсунзода ё Ҳисор 50-га замини кишоварзӣ ҷудо намуда медиҳад. Аммо то ҳол маблағашро барнагардонидааст.
Айни замон нафарони қаллоб дар ҳабси пешакӣ қарор дошта, тафтишот идома дорад.