Сухтори автомашина
Санаи 27-уми ноябри соли ҷорӣ, тақрибан соати 21:30 дақиқа автомашинаи тамғаи «Хундай», рақами қайди давлатиаш 0808CR01, таҳти идораи шаҳрванд Султонбии Раҳматзода, сокини 32 солаи шаҳри Душанбе, ҳангоми ҳаракат дар хиёбони Рӯдакӣ сухтор ба амал омад.
Дар натиҷа аз ҷониби сухторхомушкунандагон дар якҷоягӣ бо шаҳрвандон сухтор дарҳол хомӯш карда шуда, ягон нафар ҷароҳат набардоштааст.
Зимни санҷиши пешакӣ муайн карда шуд, ки сабаби оташ гирифтани нақлиёти мазкур нуқсони техникӣ аз ҳисоби ноқилҳои барқии автомашина мебошад.
