Тақаллубкорӣ зимни хариду фурӯши хонаи истиқоматӣ
Кормандони милитсия ҳангоми гузаронидани чорабиниҳои оперативӣ-ҷустуҷӯӣ марди 39-солаи сокини шаҳри Панҷакентро, ки пеш бо моддаи 247 қисми 4 Кодекси ҷиноятии Ҷумҳурии Тоҷикистон суд шудааст, бо гумони қаллобӣ дастгир намуданд.
Номбурда, рӯзи 11-уми июни соли 2011 бо роҳи фиреб ба боварии марди 69-солаи сокини шаҳри Душанбе даромада, аз ӯ 27 ҳазору 500 доллари амрикоӣ гирифта, ваъда додааст, ки аз бинои истиқоматӣ, воқеъ дар кӯчаи А.Дониш хона гирифта ба ӯ ҳуҷҷатгузорӣ карда медиҳад.
Ҳангоми гузаронидани чорабиниҳои оперативӣ-ҷустуҷӯӣ муайян карда шуд, ки номбурда хонаи истиқоматии мазкурро ба шахси дигар, марди 34-солаи сокини пойтахт ба маблағи 210.000 сомонӣ фурӯхтааст.
Нисбати номбурда парвандаи ҷиноятӣ бо моддаи 247 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
