Захмӣ намудани бародар бо олоти оҳанин
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 33-солаи сокини ноҳияи Фирдавсӣ бо гумони қасдан расонидани зарари вазнин ба саломатӣ дастгир карда шуд.
Номбурда, рӯзи 24-уми декабри соли 2018, тахминан соати 19:00-дақиқа, дар хонаи истиқоматиаш бо ҳамроҳии бародари 35-солааш, аз сабаби муноқишаи ба миён омада, ҷангу ҷанҷол карда, бо олоти оҳанин якчанд маротиба ба сараш задааст.
Дар натиҷа, бародараш ҷароҳати вазнини ҷисмонӣ бардошта, дар беморхона бистарӣ гардидааст.
Аз рӯи ин ҳодиса тафтишот идома дорад.