Дуздии маҳсулоти канселярӣ ба маблағи 150 000 сомонӣ
Ба ШВКД дар ноҳияи Фирдавсӣ марди 42-солаи сокини ноҳияи мазкур муроҷиат намудааст, ки моҳи декабри соли 2018 шахсони номаълум бо роҳи пинҳонӣ аз дохили дӯкони савдояш, воқеъ дар бозори “Корвон”-и пойтахт маҳсулоти канселярӣ, ҷамъ ба маблағи 150 000-сомониро дуздида аз ҷойи ҳодиса ғайб задаанд.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 36-солаи сокини кӯчаи Гипроземи пойтахт ва марди 36-солаи сокини деҳаи Гулистони ноҳияи Рӯдакӣ бо гумони дуздӣ дастгир карда шуданд.
Аз рӯи ин ҳодиса парвандаи ҷиноятӣ оғоз гардида, тафтишот идома дорад.