Чорабинии идона барои фарзандони кормандони милитсия
Санаи 29-уми декабри соли 2014 дар театри опера ва балети ба номи Садриддин Айнӣ барои фарзандони кормандони Раёсати Вазорати корҳои дохилӣ дар шаҳри Душанбе ва барои фарзандони кормандони ҳангоми адои вазифа фавтида чорабинии идона баргузор гардид. Дар театри мазкур барои фарзандони кормандони милитсияи пойтахт саҳначаи ҷолиби солинавӣ пешниҳод гардид, ки он аз ҷониби ҳозирин хуш қабул гашт ва чеҳраҳои хандони онҳо гувоҳи гуфтаҳои болост. Чун њамасола соли навро бештар кӯдакон бесаброна интизор мешаванд, кӯдакон бо дидани бобои барфӣ хурсандона ӯро иҳота намуда, ҳар яке бо қироати шеъре сазовори тӯҳфаҳои солинавӣ гаштанд.
